Мемлекеттік қызмектер күні қарсаңында Мемлекеттік қызмет істері және сыбайлас жемқорлыққа қарсы іс-қимыл агенттігінің Павлодар облысы бойынша департаменті жергілікті атқарушы органдармен және өңірлік «Ертіс» телеарнасымен бірлесе отырып, «Менің ата-анам-мемлекеттік қызметшілер!» бейнероликтер байқауын ұйымдастырған.
Байқау мақсаты – мемлекеттік қызметтің беделін арттыру, жастардың патриоттық сезімін тәрбиелеу, ата-ананың өз балаларына қамқорлық ету, соның ішінде құқық бұзушылықтарға жол бермеу.
Конкурстын шарттары бойынша ата-анасы мемлекеттік қызметші болып табылатын балалар қысқа бейнероликтер жасап, ата-анасы туралы және олардын мамандықтарды туралы айтып, өздерінің тұрмыс-тіршілігін көрсетеді.
Конкурста Павлодар облысы бойынша мемлекеттік кірістер Департаменті Адам ресурстары басқармасы персоналмен жұмыс бөлімінің бас маманы Асемгуль Аспандияровна Кулжанның балалары – Нұрханым мен Данияр Мұқатай қатысты.
Дауыс беру қорытындысы бойынша Нұрханым мен Данияр құрметті 2 орынға ие болды.
Кулжан отбасын шын жүректен жеңіспен құттықтаймыз! Нұрханым мен Данияр, талаптарына нұр жаусын!
Павлодар облысы бойынша МКД түсіндіру жұмысы Басқармасы