2018 жылдың 1 қазаңынан «Салық төлеушілер Қазақстан Республикасының аумағында қызметін жүзеге асырғанда ақшалай есеп айырысулар кезінде деректерді тіркеу және (немесе) беру функциясы бар бақылау-касса машиналарын қолданатын қызмет түрлерін бекіту туралы» Қазақстан Республикасы Қаржы министрінің 2018 жылғы 16 ақпандағы 
№ 206 бұйрығына толықтырулар енгізу туралы» Қазақстан Республикасының Қаржы министрінің 2018 жылғы 16 тамыздағы № 758 бұйрығы (бұдан әрі – Бұйрық) күшіне енеді.

Осы Бұйрық салық төлеушілер оларды жүзеге асырған кезде онлайн-бақылау-касса машиналарын қолданатын  қосымша 17 қызмет түрін қарастырады:

1. Автомобильдерді және жеңіл автокөлік құралдарын сату;
2. Автокөлік құралдарына техникалық қызметтер және жөндеу;
3. Автомобильдерге арналған қосалқы бөлшектер мен құрал-саймандарды көтерме саудада сату;
4. Автомобильдерге арналған қосалқы бөлшектер мен құрал-саймандарды бөлшек саудада сату;
5. Сусындарды көтерме саудада сату;
6. Фармацевтикалық тауарларды көтерме саудада сату;
7. Тоқыма бұйымдарын сату;
8. Қапсырма бұйымдарын, лак-бояу материалдарын және шыныларды сату;
9. Киімдерді сату;
10.  Фармацевтикалық тауарларды бөлшек саудада сату;
11.  Сағат және зергерлік әшекейлерді сату;
12.  Ломбард қызметі;
13.  Жылжымайтын мүлікпен жүргізілетін операциялар бойынша агенттіктердің қызметі;
14.  Сыйақы үшін немесе келісімшарт негізінде жылжымайтын мүлікті басқару;
15.  Жарнама агенттіктерінің қызметі;
16.  Құмар ойындар және бәс тігуді ұйымдастыру қызметі;
17.  Уәкілетті ұйымдармен жүзеге асырылатын қолма-қол шетел валютасымен айырбастау операцияларын ұйымдастыру қызметі.

Осыған орай, жоғарыда аталған қызмет түрлерімен айналысатын салық төлеушілер 2018 жылдың 1 қазанынан бастап онлайн режимінде деректерді жіберіп отыратын бақылау-касса машиналарын қолдануға міндетті.