Павлодар облысында 807 жеке кәсіпкер (ЖК) әрекетсіз деп танылды, оларға 2024 жылғы 1 қаңтарынан бастап жалпыға бірдей декларациялау бойынша салық есептілігін (250.00-нысан) ұсыну міндеті жүктелетін болады.
2024 жылдың 1 қаңтарынан бастап Қазақстан Республикасында жалпыға бірдей декларациялаудың III-кезеңі енгізіледі, оның шеңберінде «Активтер мен міндеттемелер туралы декларацияны» (250.00-нысан) заңды тұлғалардың басшылары, құрылтайшылары (қатысушылары) және жеке кәсіпкерлер, сондай-ақ олардың жұбайлары ұсынуға міндетті.
Сондай-ақ, жалпыға бірдей декларациялау бойынша салық есептілігін ұсыну жөніндегі міндеттеме 2024 жылғы 1 қаңтардан бастап әрекетсіз жеке кәсіпкерлерге де қатысты болады.
Әрекетсіз жеке кәсіпкер болып табылатындықты тексеру үшін Комитеттің www.kgd.gov.kz интернет-ресурсына «Электрондық қызметтер» мәзірінде «Сенімсіз салық төлеушілерді іздеу» бөліміне өту қажет.
Мемлекеттік кірістер комитеті жеке кәсіпкерлердің әрекетсіздер тізімінде болуы туралы екінші деңгейдегі банктердің мобильді қосымшалары арқылы push-хабарламаларды жолдауда.
250.00-нысанды декларацияны ұсыну жөніндегі талап қолданысқа енуіне дейін 58 күнтізбелік күн қалғанына назар аударамыз.
Павлодар облысы бойынша МКД
Түсіндіру жұмысы және Байланыс-орталығы басқармасы