"Аманат" өңірлік партиясының алаңында "Параграф" АЖ бизнес өкілдері үшін жалпыға бірдей декларациялау мәселелері бойынша семинар өткізді, оған Павлодар облысы бойынша МКД қызметкерлері де қатысты.

            Жалпыға бірдей декларациялау жүйесін енгізудің мақсаты көлеңкелі экономикамен және сыбайлас жемқорлық көріністерімен күресу үшін жеке тұлғалардың табыстары мен мүлкін тиімді бақылау жүйесін құру болып табылады. Салық кодексінде бұл мәселе 630-643-баптардың 71-тарауымен реттелген.

            Декларациялау жүйесіне кірген кезде 250.00 нысанындағы жеке тұлғаның активтері мен міндеттемелері туралы бастапқы (кіріс) декларация ұсынылады, онда есепті жылдың 31 желтоқсанындағы жағдай бойынша жеке тұлғаның дебиторлық және кредиторлық берешегі, қолма - қол ақша қаражаты және шетелдік банктер бойынша банктік мәліметтер (депозиттер, кредиттер) көрсетілуге тиіс. «Міндеттемелер мен активтер» туралы декларация 250.00 нысаны ұсынылғаннан кейін жыл сайын «Кірістер мен мүлік» туралы декларация 270.00 нысаны ұсынылатын болады.

            Жалпыға бірдей декларациялау төрт кезеңде енгізіледі. 2024 жылдың             1 қаңтарында Жалпыға бірдей декларациялаудың III кезеңі басталады. Осы кезеңде заңды тұлғалардың басшылары, құрылтайшылары (қатысушылары), жеке кәсіпкерлер және олардың жұбайлары, оның ішінде қызметін уақытша тоқтатқандар өз активтерін декларациялайтын болады. Шетелдегі және Қазақстандағы активтерді барынша сенімді түрде декларациялау қажет. Болашақта бұл кірістерге салық салу кезінде ескерілетін болады.

            Семинарға Павлодар қаласы кәсіпорындарының басшылары мен бухгалтерлері қатысып, іс-шараны ұйымдастырғаны және көптеген сұрақтарға жауап бергені үшін алғыстарын білдірді.