Уақытша кедендік декларациялау мынадай:
   1) тауарлар Еуразиялық экономикалық одақтың кедендік шекарасы арқылы құбыржол көлігімен өткізілген;

  2) тауарларға қатысты саны және (немесе) кедендік құны туралы дәл мәліметтерді ұсыну мүмкін болмайтын жағдайларда тауарларға арналған уақытша декларация беру арқылы уақытша кедендік декларациялауға жол беріледі.

Мәлімделген кедендік рәсімге сәйкес шығарылған тауарларды беру жүзеге асырылатын

уақыт кезеңі күнтізбелік айдан аспауға тиіс (бұдан әрі осы бапта – тауарларды беру кезеңі).
Тауарларға арналған уақытша декларациясы кеден органдарымен тауар жеткізілімі басталғанға күнтізбелік он бес күн бұрын қабылдайды.
Тауарлар берілгеннен кейін декларант тауарларға арналған толық декларацияны беруге міндетті. Тауарларға арналған толық декларацияны беру тауарларға арналған уақытша декларацияда мәлімделген тауарларды беру кезеңі аяқталған күннен кейінгі күннен бастап күнтізбелік тоқсан күннен кешіктірілмей жүзеге асырылады. Декларанттың уәжді жолданымы бойынша толық декларацияны (толық декларацияларды) беру мерзімін кеден органы беруді аяқтауға қажетті, бірақ қырық бес жұмыс күнінен аспайтын мерзімге ұзартады.
Кедендік декларациялауды жүргізген кеден органының белгілері бар тауарларға арналған толық декларация, құбыржол көлігімен өткізілетін тауарлардың іс жүзінде әкетілгенін немесе әкелінгенін растайтын құжат болып табылады.

Тауарларға арналған уақытша декларацияда тауарлардың болжамды саны, соның негізінде тауарларды өткізу жүзеге асырылатын шартта (келісімшартта) көзделген тауарлардың есептік бағасы негізінде айқындалған беру күніндегі олардың алдын ала кедендік құны туралы мәліметтерді мәлімдеуге жол беріледі. Егер көлік құралдары туралы мәліметтер белгісіз болса, осындай мәліметтер уақытша кедендік декларациялау кезінде көрсетілмейді. Өткізілген тауарлардың саны тауарларға арналған уақытша декларацияда мәлімделген саннан аспауға тиіс.
Уақытша кедендік декларациялау кезінде, кеден органы тауарларға арналған уақытша декларацияны тіркеген күнге қолданыстағы Еуразиялық экономикалық одақтың және Қазақстан Республикасының заңнамасы қабылданады.

Егер уақытша кедендік декларацияны беру кезінде нақты сатып алушы (алушы) айқындалмаса, онда декларант іс жүзіндегі сатып алушылардың (алушылардың) саны бойынша кейіннен бірнеше толық кедендік декларацияны ұсына отырып, бір шарт (келісімшарт) шеңберінде тауарлар беруге арналған бір уақытша кедендік декларация береді.
Кедендік баждарды, салықтарды уақытша кедендік декларацияны беру кезінде кеден органдары тауарларды шығарғанға дейін төлейді. Егер төлеуге жататын кедендік баждардың, салықтардың сомасы мәліметтерді нақтылау нәтижесінде көбейсе, қосымша ақы төлеу тауарларға арналған толық декларацияны берген кезде, оларды кеден органдары шығарғанға дейін жүзеге асырады. Көрсетілген жағдайда өсімпұлдар есептелмейді. Кедендік баждардың, кедендік алымдардың, салықтардың артық немесе қате төленген сомаларын қайтару «Қазақстан Республикасындағы кедендік реттеу туралы» Қазақстан Республикасының Кодексінің (бұдан әрі - Кодекс) 11-тарауына сәйкес жүзеге асырылады.

Егер осы баптың 3-тармағының екінші немесе үшінші бөлігінде көрсетілген мерзімдер өткен соң беру кезеңі өткен соң тауарлар Еуразиялық экономикалық одақтың кедендік шекарасы арқылы өткізілмесе, онда осындай тауарлар мәлімделген тауарларға арналған уақытша декларация Кодекстің 184-бабында айқындалған тәртіппен кері қайтарып алуға жатады.