Жолаушылар кедендік декларациясы (ЖКД) жеке пайдалануға арналған тауарларды кедендік декларациялау кезінде қолданылады.

Жеке пайдалануға арналған мынадай тауарлар кедендік декларациялауға жатады:

- он мың АҚШ долларына баламалы сомаға қолма-қол ақша қаражаты;

- жеке пайдалануға арналған көлік құралдары;

- мәдени құндылықтар;

- бағалы металдар;

- жануарлар мен өсімдіктер;

- қару-жарақ және есірткі құралдары.

ЕАЭО аумағына әкелу кезінде саны мен құны бажсыз әкелу нормасынан асатын тауарлар да міндетті декларациялауға жатады.

ЖКД-ны eGov.kz электрондық үкімет порталы, "e-Salyq Azamat" мобильді қосымшасы арқылы беруге болады.

Жеке пайдалануға арналған тауарларды әкелу кезінде ЕАЭО мен Қазақстан Республикасының кеден заңнамасында белгіленген тыйымдар мен шектеулерді сақтау талап етілетініне назар аударамыз.

Павлодар облысы бойынша МКД

түсіндіру жұмысы және Байланыс-орталығы басқармасы