Павлодар облысы бойынша мемлекеттік кірістер Департаментінде (бұдан әрі – МКД) МКД басшысының орынбасары Талғат Горяевтың төрағалығымен облыстық ішкі мемлекеттік аудит Департаменті мен Павлодар облысының заң консультанттары Палатасы мамандарының қатысуымен кеңес өтті.

Кеңес барысында "Қазақстан Республикасы азаматтарының төлем қабілеттілігін қалпына келтіру және банкроттық туралы" Қазақстан Республикасының Заңы шеңберінде банкроттық рәсімдерінің жұмысын ұйымдастыру мәселелері қаралды.

– 2022 жылғы 30 желтоқсанда Республика Президенті қол қойған "Қазақстан Республикасы азаматтарының төлем қабілеттілігін қалпына келтіру және банкроттық туралы" Қазақстан Республикасының заңы (бұдан әрі-заң) ағымдағы жылғы 2 наурыздан бастап қолданысқа енгізіледі. Заңның негізгі мақсаты азаматтардың борыштық жүктемесін азайту, өнімді экономикалық қызметке оралу, сондай – ақ әлеуметтік шиеленісті жеңілдету және борыштар бойынша төлемдерді ынталандыру болып табылады, – деп атап өтті Талғат Горяев.

Кеңес қорытындысы бойынша заңға және туындайтын міндеттерді бірлесіп шешуге сәйкес азаматтардың банкроттық рәсімдерін жүргізу туралы шешім қабылданды.

Павлодар облысы бойынша МКД түсіндіру жұмысы басқармасы