Сұрақ: ЖШС төлемді Kaspi Pay, POS-терминалды қолдану арқылы қабылдайды. Кәсіпорын чектерді соғу міндетті ме?

Жауап: Салық кодексінің 166-бабына сәйкес Қазақстан Республикасының аумағында ақшалай есеп айырысулар модельдері мемлекеттік тізілімге енгізілген, деректерді тіркеу және (немесе) беру функциясы бар бақылау-касса машиналары (БКМ) мiндеттi түрде қолданыла отырып жүргiзiледi.

Салық кодексінің 165-бабына сәйкес ақшалай есеп айырысулар деп қолма-қол ақша және (немесе) төлем карточкаларын және (немесе) мобильдік төлемдерді пайдалана отырып есеп айырысулар арқылы тауарды сатып алу, жұмыстарды орындау, қызметтерді көрсету үшін жүзеге асырылатын есеп айырысулар түсініледі.

БКМ қолданған кезде Салық кодексінің 166-бабы 5-тармағының 2-тармақшасына сәйкес тауар, жұмыс, көрсетiлетiн қызмет үшін төленген сомаға бақылау-касса машинасының чегін немесе тауар чегін беру жүзеге асырылады.

Сонымен қатар, «Тұтынушылардың құқықтарын қорғау туралы» Заңның 26-бабына сәйкес  сатушы тауарды (жұмыстарды орындау, қызметтерді көрсету) сатып алу фактісін растайтын құжатты беруге міндетті.

Осылайша, ЖШС-ға БКМ чегін соғу қажет.

Қазіргі уақытта Павлодар облысының мемлекеттік кірістер органдары БКМ және POS-терминалдардың бар болуы және оларды қолдану бойынша тақырыптық тексерістерді өткізіп жатқандығына назарларыңызды аударамыз.

Сауда операциялары, жұмыстарды орындау, қолма – қол ақша арқылы қызметтер көрсету кезінде жүргізілетін ақшалай есеп айырысуларды жүзеге асыру кезінде БКМ қолданбағаны үшін, сондай-ақ пайдалану орны бойынша Мемлекеттік кірістер органында ақаулы немесе есепте тұрмаған БКМ қолданғаны үшін ескерту түрінде әкімшілік жауапкершілік көзделгенің, бір жыл ішінде қайталанған жағдайда 20-дан 40 АЕК-ке дейін мөлшерінде айыппұл салынантын еске саламыз (ҚР Әкімшілік құқық бұзушылық туралы Кодексінің 284-бабы).

БКМ чегін бермеу үшін де әкімшілік жауапкершілік көзделген (ҚР Әкімшілік құқық бұзушылық туралы Кодексінің 284-бабы).

Павлодар облысы бойынша МКД

түсіндіру жұмысы және Байланыс-орталығы басқармасы