Павлодар облысы бойынша мемлекеттік кірістер Департаменті акцизделетін өнім айналымын бақылауды күшейту және көлеңкелі айналымды анықтау үшін рейдтік іс-шаралар жүргізеді.

Акцизделетін өнімнің көлеңкелі айналымын анықтау бойынша тақырыптық салықтық тексерулер барысында (лицензияның, сәйкестендіру құралдарының, ілеспе жүкқұжаттардың болуы, есепке алу-бақылау маркаларының түпнұсқалығы және т. б.) 2025 жылдың басынан бастап акцизделетін өнімнің заңсыз айналымының 20-дан астам фактісі белгіленді, контрафактілі алкоголь өнімінің 3 мыңға жуық бірлігі (бөтелкелері мен кегтері), сәйкестендіру құралдарынсыз 200-ден астам темекі өнімдерінің (темекі) бірлігі, жекелеген қызмет түрлеріне рұқсат беру құжаттары жоқ шамамен бір тонна бензин анықталды.

Өнімдер алынып тасталды, әкімшілік материалдар іс жүргізу шешімін қабылдау үшін сот органдарына жіберілді.

Кәсіпкерлердің назарын акцизделетін өнімді сақтауға және сатуға барлық қажетті құжаттардың (лицензияның, тіркеудің, рұқсаттың, есепке алу-бақылау маркаларының, сәйкестендіру құралдарының, ілеспе жүкқұжаттардың және т.б. болуы) ресімделуі тиіс екендігіне аударамыз.

Тіркеусіз, рұқсатсыз әрекеттерді жүзеге асырғаны үшін әкімшілік жауапкершілік көзделген: әкімшілік құқық бұзушылық жасау заттары және (немесе) құралдары тәркілене отырып, 15-тен 150 АЕК-ке дейінгі мөлшерде айыппұл салынады. Әкімшілік жаза қолданылғаннан кейін бір жыл ішінде қайталап бұзушылық жасалған кезде әкімшілік құқық бұзушылық жасау заттары және (немесе) құралдары тәркілене отырып, 30-дан 500 АЕК-ке дейінгі мөлшерде айыппұл салынады ("Әкімшілік құқық бұзушылық туралы" Кодекстің 463-бабы).

Сәйкестендіру құралдарынсыз және (немесе) есепке алу-бақылау маркаларынсыз акцизделетін тауарлардың айналымы үшін акцизделетін тауарлар тәркілене отырып, сондай-ақ лицензиядан айыра отырып, 50-ден 500 АЕК-ке дейінгі мөлшерде айыппұл көзделген ("Әкімшілік құқық бұзушылық туралы" Кодекстің 283-бабы).

Тауарларға арналған ілеспе жүкқұжаттарды ұсынбағаны не уақтылы ұсынбағаны үшін 5-тен 30 АЕК-ке дейінгі мөлшерде айыппұл көзделген. Әкімшілік жаза қолданылғаннан кейін бір жыл ішінде қайталап жасалған іс-әрекет үшін 10-нан 60 АЕК-ке дейінгі мөлшерде айыппұл салынады ("Әкімшілік құқық бұзушылық туралы" Кодекстің 283-1-бабы).

Павлодар облысы бойынша МКД

түсіндіру жұмысы және Байланыс-орталығы басқармасы