Құрметті кәсіпкерлер!

Павлодар облысының Мемлекеттік кірістер органдары бақылау-кассалық машиналардың (БКМ), POS-терминалдардың болуы және оларды қолдану мәселесі бойынша салықтық тексерулерді жалғастыруда.

Павлодар облысы бойынша Мемлекеттік кірістер департаменті барлық кассалық чектер тауарлардың, жұмыстардың және көрсетілетін қызметтердің атауын көрсетуі тиіс екенін еске салады.

Осы талаптардың сақталуы Салық кодексінің 166 - бабы 6-тармағының 10-тармақшасымен регламенттелген.

Қазіргі уақытта фискалдық деректер операторларының ақпараты бойынша жекелеген салық төлеушілердің БКМ чегінде міндетті болып табылатын жоғарыда аталған деректер жоқ, бұл БКМ қолдану тәртібін бұзу болып табылады. Аталған бұзушылықты жою мақсатында фискалдық чектің деректемелеріне тауарлардың, жұмыстардың және көрсетілетін қызметтердің атауы туралы ақпаратты енгізу үшін "БКМ техникалық қызмет көрсету орталығына" жүгінуді ұсынамыз.

БКМ чектерінде тауардың, жұмыстың және көрсетілетін қызметтің атауын көрсету әлеуметтік маңызы бар азық-түлік тауарларына, дәрілік заттарға бағалардың сенімді және жедел мониторингін қамтамасыз етуге ықпал етеді.

Ақшалай есеп айырысуды жүзеге асыру кезінде БКМ қолданбағаны үшін, сондай – ақ БКМ қолдану кезінде талаптарды сақтамағаны үшін әкімшілік жауапкершілік көзделген: ескерту, қайталап бұзушылық кезінде-20-дан 40 АЕК-ке дейінгі мөлшерде айыппұл салынады (ҚР Әкімшілік құқық бұзушылық туралы Кодексінің 284-бабы). БКМ чегін бермегені үшін әкімшілік жауапкершілік те қарастырылған.

Павлодар облысы бойынша МКД

түсіндіру жұмысы және Байланыс-орталығы басқармасы