2024 жылы Павлодар облысында кірістер туралы декларацияны (250.00 және 270.00 нысандары) 180 мыңнан астам жеке тұлғалар тапсырды. 2025 жылы 270.00 нысаны декларацияны 20 000 жуық жеке тұлғалар (мемлекеттік қызметшілер және оларға теңестірілген тұлғалар, соның ішінде квазимемлекеттік сектордың басшылары мен құрылтайшылары) тапсырады.

Қазақстанда жалпыға бірдей декларациялау 2021 жылдың 1 қаңтарында басталып, 4 кезеңде енгізілді. Мемлекет басшысы Қасым-Жомарт Тоқаевпен жалпыға бірдей декларациялау тәсілдерін қайта қарау туралы тапсырма берілді, 4 кезеңде жалпыға бірдей декларациялау жүйесіне кіруге міндетті азаматтарды активтері мен міндеттемелері туралы декларацияларды ұсынудан босату ұсынылды.

Қазіргі уақытта мемлекеттік кірістер комитеті төменде көрсетілген ұсыныстарды енгізді.

250.00 СЕН міндетті түрде тапсыру бойынша ұсыныстар:

1. Шетелде мүлкі бар ҚР азаматтары, ҚР резиденттері (жылжымайтын мүлік, көлік, банк шоттарында 1000 АЕК астам ақша);

2. Жеке практикамен айналысатын адамдар;

3. Декларацияны өз еркімен ұсынғысы келетіндер;

4. Сайланбалы лауазымға, мемлекеттік лауазымға орналасуға кандидаттар және оларға теңестірілген адамдар мен олардың жұбайлары;

5. Банктердің, бағалы қағаздар нарығының, сақтандыру ұйымдарының ірі қатысушылары болғысы келетіндер.

270.00 СЕН міндетті түрде тапсыру бойынша ұсыныстар:

1. Мемлекеттік қызметшілер және оларға теңестірілген адамдар (оның ішінде квазимемлекеттік сектордың басшылары мен құрылтайшылары) және олардың жұбайлары;

2. Банктердің, бағалы қағаздар нарығының, сақтандыру ұйымдарының ірі қатысушылары және олардың жұбайлары;

3. Коммерциялық ұйымдардың басшысы және құрылтайшылары (қатысушылары) (АҚ-да дауыс беретін акциялардың 10% - дан астам және одан да көп үлесі) және олардың жұбайлары (резиденттері);

4. Жеке практикамен айналысатын адамдар (резиденттер);

5. Шетелде мүлкі бар тұлғалар (240.00-нысаның ұсыну тәртібіне ұқсас) (резиденттер);

6. ДК (резиденттер) табысын қоспағанда, дербес салық салынатын табыс алған тұлғалар;

7. Шетелдік банктерде 1000 АЕК-тен жоғары ақшасы бар тұлғалар (резиденттер);

8. ҚР-да және одан тыс жерлерде жиынтық құны 20 000 АЕК-тен асатын ірі мүлікті сатып алған тұлғалар (резиденттер).

250.00 СЕН тапсырудан босату бойынша ұсыныстар:

Жеке тұлғаның атында шетелде төменде көрсетілгендер болмаған жағдайда активтер мен міндетттемелер туралы декларацияны тапсырудан босату:

1) жылжымайтын мүлік және көлік;

2)шетелдік банктердегі банктік шоттардағы 1000 АЕК (3,7 млн теңге) астам сомадағы ақша;

3) инвестициялық және бағалы металдар;

4) шетелдік компаниядағы қатысу үлестері;

5) тұрғын үй құрылысына қатысу үлесі;

6) бағалы қағаздар, туынды қаржы құралдары;

7) брокерлік шоттардағы ақша;

8) зияткерлік меншік, авторлық құқық объектілері;

9) цифрлық активтер;

10) дебиторлық/кредиторлық берешек;

11) құны 1000 АЕК (3,7 млн.теңге) асатын мүлік (антиквариат, сәнді заттар және т. б.).

Шетелдегі және Қазақстандағы активтерді барынша сенімді түрде декларациялау қажет. Болашақта активтердің құны салық салынатын табысты айқындау кезінде ескерілетін болады. Сондықтан декларацияны толтырмас бұрын келесіні ұсынамыз:

- мүлікке құқық белгілейтін құжаттарды ретке келтіру;

- бір данасының құны 1000 АЕК асатын қымбат мүлікті тәуелсіз бағалаушыда бағалау (ниеті болған жағдайда);

- нотариустарда қарыз шарттарын куәландыру;

- Қазақстанда келесі сайттар бойынша активтер мен міндеттемелердің бар-жоғын өз бетінше тексеру:

1) бағалы қағаздар бойынша https://portal.kacd.kz;

2) тұрғын үй құрылысына үлестік қатысу туралы шарттар бойынша https://homeportal.kz; https://www.gov.kz/services/3910?lang=ru

3) зияткерлік меншік, авторлық құқық объектілері бойынша https://gosreestr.kazpatent.kz;

4) сенімгерлік басқаруға берілген мүлік бойынша https://egov.kz/cms/ru/services/pass077_mu;

Дебиторлық/кредиторлық берешектің (қарыз шарттарының) болуы бойынша  Doculite жүйесі арқылы Республикалық нотариаттық палатаға сұрау салу жіберу қажет.

Декларацияны ұсыну тәсілдері

Декларацияны электронды нысанда «Салық төлеушінің кабинетті» «Электронды үкімет» порталы, сонымен бірге «е-Salyq Azamat», «eGov mobile» мобильді қосымшалары, «Halyk Bank», «Kaspi Bank», Банк «ЦентрКредит» банктердің қосымшалары арқылы ұсынуға болады.

Қағаз жеткізгіште: пошта арқылы немесе келу тәртібімен.

Декларация тұрғылықты жері бойынша ұсынылады.

Декларацияны тапсыру мерзімі - 15 қыркүйек.

Павлодар облысы бойынша МКД

түсіндіру жұмысы және Байланыс-орталығы басқармасы