Сұрақ: Менде Қазақстанның бірнеше қалаларында жылжымайтын мүлік бар. Мен барлық пәтерлерімді декларацияда көрсетуім керек пе?

Жауап: Жоқ, активтер мен міндеттемелер туралы декларацияда тек Қазақстан Республикасынан тыс шет мемлекетте тіркелген жылжымайтын мүлік көрсетіледі.

Сұрақ: Егер декларация электрондық түрде мемлекеттік кірістер органына жұмыс күні аяқталғаннан кейін жіберілсе, ол мерзімінде ұсынылған болып саналады ма?

Жауап: салық есептілігін тапсыру үшін Салық кодексінде белгіленген мерзімнің соңғы күні сағат жиырма төртке дейін мемлекеттік кірістер органдарына телекоммуникациялар желісі арқылы жіберілген электрондық нысандағы салық есептілігі мерзімінде табыс етілді деп есептеледі.