Құрметті кәсіпкерлер! 2026 жылғы 28 ақпан – қолданылатын салық салу режимі туралы хабарлама берудің соңғы күні. Жалпыға бірдей белгіленген салық салу режиміне автоматты түрде ауыспау үшін хабарлама жіберуді кешіктірмеңіздер.

Қазақстан Республикасының жаңа Салық кодексіне сәйкес үш арнайы салық режимі көзделген: өзін-өзі жұмыспен қамтығандар үшін, оңайлатылған декларация негізінде және шаруа және фермер қожалықтары үшін.

Оңайлатылған декларация негізінде АСР

Оңайлатылған декларация негізінде АСР қолдануды жоспарлап отырған салық төлеушілер 2026 жылғы 28 ақпаннан кешіктірмей қолданылатын салық салу режимі туралы хабарлама ұсынуы қажет.

Маңызды! Егер көрсетілген мерзімде хабарлама ұсынылмаса, салық төлеушілер қолданылу мерзімі 2026 жылғы 1 қаңтардан басталатын жалпыға бірдей белгіленген салық салу тәртібіне ауыстырылады.

Хабарлама беру тәсілдері:

- салық төлеушінің кабинеті арқылы (СӘАЖ АЖ "Құжаттарды тапсыру" бөлімінде – "Қолданылатын салық салу режимі туралы хабарлама");

- "e-Salyq Business" мобильді қосымшасы арқылы ("Сервис" – "ЖК салық режимін өзгерту");

- орналасқан жері бойынша МКБ - да (қағаз жеткізгіште);

 - екінші деңгейдегі банктердің қосымшалары арқылы ("Мемлекеттік қызметтер" бөлімінде – "ЖК деректемелері мен салық режимін өзгерту").

 Өзін-өзі жұмыспен қамтығандар үшін режиміне өту

 2026 жылғы 1 наурыздан бастап салық органдары патент немесе арнайы мобильдік қосымшаны пайдалана отырып АСР негізінде 2025 жылы АСР қолданған салық төлеушілерді ЖК ретінде есептен автоматты түрде есептен шығаруды жүзеге асыратын болады.

Есептен шығару күні 2026 жылғы 1 қаңтар таңылады. Бұл ретте есептен шығаруға өтінішті өз бетінше беру құқығы сақталады.

Егер салық төлеуші басқа салық режимін таңдай отырып, қолданылатын режим туралы хабарлама берсе, есептен шығару жүргізілмейді. Бұл ретте "e-salyq Business"мобильдік қосымшасында алғашқы чекті қалыптастыру күні өзін-өзі жұмыспен қамтығандар үшін АСР қолдану басталған күн деп танылады.

Шаруа және фермер қожалықтары (шаруа қожалықтары) үшін режиміне өту

Аталған режимге өту 2026 жылғы 1 наурызға дейін салық органдары арқылы автоматты түрде жүзеге асырылады және хабарлама тапсыруды талап етпейді.

Павлодар облысы бойынша МКД

Түсіндіру жұмысы басқармасы және байланыс орталығы