Салық заңнамасына сәйкес салық төлеуші хабарламаны алған күннен кейінгі күннен бастап 30 жұмыс күні ішінде орындауға міндетті. Хабарламаны бұзушылықтарды жоя отырып, қосымша салық есептілігін ұсыну не бұзушылықтардың жоқтығын құжаттық растай отырып, дәлелді түсініктемелер беру арқылы орындауға болады. ҚҚС бойынша хабарлама жіберудің ең көп тараған себептері:

* Салық төлеушілерге жазылған электрондық шот-фактуралармен, сондай - ақ № 300.07 тізілімдермен және (немесе) деректерді тіркеу және беру функциясы бар бақылау-касса машиналарының мәліметтерімен салыстыру кезінде анықталған өткізілген тауарлар, жұмыстар, көрсетілетін қызметтер бойынша ҚҚС сомасын төмендету;

* Камералдық бақылау барысында есепке жатқызылған ҚҚС сомаларын асыра бағалау анықталды;

* Кедендік ресімдеу кезінде ҚҚС төлей отырып, импорт бойынша сатып алынған тауарлар бойынша есепті асыра бағалау (тауарларға арналған декларациялар негізінде);

* Бюджетке төленуге жататын ҚҚС сомасын төмендетуге не есепке жатқызылатын ҚҚС сомасын есептелген салық сомасынан асыра арттыруға әкеп соғатын ҚҚС бойынша декларацияны толтыру кезіндегі арифметикалық қате.

Камералдық бақылау нәтижелерімен келіскен кезде салық төлеушіге қосымша салық есептілігін уақтылы табыс ету және қажет болған жағдайда қосымша есептелген салықтар мен өсімпұлдар сомаларын төлеуді жүргізу ұсынылады. Салықтық есептілікті түсіндіру немесе түзету камералдық бақылауды аяқтауға негіз болып табылады.

Хабарламаны белгіленген мерзімде орындамау салық міндеттемесінің орындалуын қамтамасыз ету шараларын қолдануға, сондай-ақ салық заңнамасында көзделген жағдайларда салықтық тексеруді тағайындауға әкеп соғуы мүмкін.

2026 жылғы тәжірибе көрсеткендей, хабарламалардың уақтылы орындалуы салық төлеушілерге салық тәуекелдерін азайтуға, салықтық тексерулерден аулақ болуға және ұсынылған салық есептілігінің дұрыстығын қамтамасыз етуге мүмкіндік береді. Мемлекеттік кірістер органдары үшін камералдық бақылау салықтық бұзушылықтардың алдын алудың және бюджетке түсетін түсімдердің толықтығын қамтамасыз етудің неғұрлым тиімді құралдарының бірі болып қала береді.

Павлодар облысы бойынша МКД түсіндіру жұмысы

және Байланыс-орталығы басқармасы