Бүгінгі күні кейбір салық төлеушілер, соның ішінде көлігі немесе жер-мүлігі бар жай азаматтар заңды түрде белгіленген төлеуге тиісті салықтарды, айыппұлдарды уақытында төлемеулеріне байланыстыПавлодар облысы бойынша мемлекеттік кірістер департаменті келесіні хабарлауды жөн көреді.

Салықтан немесе айыппұлдан қарызы бар алайда уақытында төлемей жүрген жеке тұлғаларға (азаматтарға) қатысты салық заңнамаларына сәйкес еркінен тыс өнддіріп алу, айып салу сияқты шаралар қарастырылған.

Сонымен қатар, Қазақстан Республикасының «Атқару өндірісі және сот орындаушыларының статусы туралы» Заңының 33 бабына сәйкес, сот орындаушы, соттың санкциясымен қарызы бар, алайда 3 ай бойы мерзімде төлемеген заңды тұлғаның басшысыныңнемесе жеке тұлғалардың шет елдерге шығуына уақытша шек қою шарасы да қаралған.

Одан басқа, көлік салығын төлемегені үшін сол көлік сот орындаушылардың қаулысымен автотұраққа еркінен тыс қою тәртібі де қарастырылған.

2016 жылдың басынан бері Павлодар қаласы бойынша мемлекеттік кірістер басқармасы көлік салығын төлемеген кейбір азаматтардан еркінен тыс өндіріп алу мақсатында және ол азаматтардың шет елдерге шығуына уақытша шек қою туралы Жеке сот орындаушылардың Павлодар облысы аймақтық палатасына жалпы сомасы 20 827 мың теңгені құрайтын 260 соттық бұйрық жолдады.

Қазіргі уақытта облыстың мемлекеттік кірістер департаментінің, ішкі істер департаментінің қызметкерлері, жеке сот орындаушылары мен бұқаралық ақпарат құралдары өкілдерінің қатысуымен бірлескен рейдтік тексерулер жүргізілуде. Мысалы, осы рейдтік тексерудің нәтижесінде көлік салығы бойынша 220 мың теңгеден асатын қарызы бар азаматшаның ТОЙОТА РАФ автокөлігі еркінен тыс автотұраққа қойылды. Енді ол азаматша қарыз болған көлік салығынан басқа қосымша сот шығындарын да төлеп автомашинасын қайтарып ала алады.

Құрметті салық төлеушілер, құрметті Павлодар облысының тұрғындары, Павлодар облысы бойынша мемлекеттік кірістер департаменті салық бойынша міндеттемелеріңізді уақытында және толығымен орындауға шақырады, уақытында төленбеген салық Сіздердің шет елге шығып демалуды көздеген немесе басқадай жоспарыңыздың бұзылуына әкеп соғуы мүмкін екенін ескертеді.