Бүгін Павлодар облысы бойынша мемлекеттік кірістер департаментінде (бұдан әрі - Департамент) акцияның алтыншы жеңімпазына смартфон Apple iPhone табысталды.

Акцияның соңғы күндері Павлодар тұрғыны – Александра Гончарова жеңімпаз аталды.

Естеріңізге саламыз, акция 2019 жылдың 1 мамыр мен 8 тамыз аралығында өткізіліп, онда еліміздің барша азаматтары қатысты. Күн сайын елімізде 1 смартфон ойнатылады.

Акцияны Қазақстан Республикасы Қаржы министрлігінің Мемлекеттік кірістер комитеті фискалдық деректер операторымен бірлесіп өткізеді.

Акция кезінде Қазаұстанның әрбір тұрғыны кез келген затты сатып алу немесе ақылы қызметті қолдану кезінде смартфон ұтып алу мүмкіндігіне ие болады. Тек тауарлар, жұмыстар және қызметтер үшін төленген сомаға берілетін чектерді  «Таңдау» мобильдік қосымшасында тіркесе болды. Акцияға тек деректерді тіркеу және (немесе) беру функциясы бар бақылау-кассалық машиналардың чектерін чектері қатысады.

Акцияны өткізудің мақсаты азаматтық белсенділікті арттыру, азаматтардың тауар, жұмыс және қызмет тұтынушысы ретіндегі өз мүдделерін қорғау бойынша құқықтық мәдениетін қалыптастыру, көлеңкелі экономиканың мөлшерін қысқарту болып табылады.

Бүгін өз мүмкіндігіңізді жоғалтып алмаңыз!

Павлодар облысы бойынша МКД