Құрметті Павлодар облысының тұрғындары!

Павлодар облысында 2025 жылдың 10 ақпанынан бастап "Чекті талап ет – жүлдені ұтып ал!" акциясы өткізілуде, ол ағымдағы жылдың                 31 желтоқсанына дейін жалғасады.

Акцияны өткізу кезеңінде облысымыздың әрбір тұрғыны кез келген сатып алу немесе ақылы қызмет алу арқылы бағалы сыйлықтың иегері болуға мүмкіндік алады.

Акцияға қатысу үшін қажет:

1. Тауарларды сатып алу немесе ақылы қызметтерді алу;

2. Фискалдық чекті алу;

3. Тұрғылықты жері бойынша Мемлекеттік кірістер органына тегі, аты және әкесінің аты, сондай-ақ телефон нөмірі көрсетіле отырып чекты ұсыну және белгіленген лототронға түсіру;

4. Фискалдық чек берілмеген жағдайда "e-Otinish" порталы арқылы растайтын құжаттарды міндетті түрде қоса бере отырып өтініш жолдау.

Ұтыс ойыны ай сайын келесі тәртіппен өткізіледі:

1. Ай сайынғы негізде чектерді қабылдау:

- 10 ақпаннан 28 ақпанға дейін;

- 1 наурыздан 31 наурызға дейін;

- 1 сәуірден 30 сәуірге дейін;

- 1 мамырдан 31 мамырға дейін;

- 1 маусымнан 30 маусымға дейін;

- 1 шілдеден 31 шілдеге дейін;

- 1 тамыздан 31 тамызға дейін;

- 1 қыркүйектен 30 қыркүйекке дейін;

- 1 қазаннан 31 қазанға дейін;

- 1 қарашадан 30 қарашаға дейін;

- 1 желтоқсаннан 31 желтоқсанға дейін.

2. Есепті айдан кейінгі айдың 1-нен 7-не дейінгі күні аумақтық мемлекеттік кірістер басқармаларында (МКБ) чектер тізілімі жасалады;

3. Жүлделер ұтысына деректерді тіркеу және (немесе) беру функциясы бар бақылау-касса машиналарының чектері қатысады.

4. Жеңімпаздар МКБ өткізген ұтыс ойыны кезінде лототроннан фискалдық чектерді кездейсоқ таңдау әдісімен анықталады;

5. Жеңімпаздар тізімі мемлекеттік кірістер департаментінің ресми сайтында және МКБ-ның "Instagram" әлеуметтік желісіндегі беттерінде жарияланады.

Акцияны өткізудің негізгі мақсаттары азаматтық белсенділікті арттыру, халықтың салықтық сауаттылығын дамыту, тауарларды, жұмыстарды, қызметтерді тұтынушылар ретінде өз мүдделерін қорғау мәселелері бойынша азаматтардың құқықтық мәдениетін тәрбиелеу, көлеңкелі экономиканың мөлшерін қысқарту болып табылады.

Науқанға қатысатын чектер саны шектелмеген. Науқан қорытындысы бойынша ең көп чектер ұсынған ең белсенді салық төлеуші де анықталады.

Жүлделер ұтысына қатысыңыз және жеңімпаз болу мүмкіндігін жіберіп алмаңыз!

Қосымша ақпарат алу үшін телефондар: 8 (7182) 32-13-61, 32-16-31.

Павлодар облысы бойынша МКД

түсіндіру жұмысы және Байланыс-орталығы басқармасы