Такси жүргізушілеріне салық міндеттемелерін қалай орындауға болады?

Яндекс арқылы тіркелген және тапсырыс алатын такси жүргізушілеріне. Таксилер, салықтар және әлеуметтік төлемдер әдепкі бойынша 4% мөлшерлемемен есептеледі.

Қазақстанда интернет-платформалар арқылы такси жүргізушілеріне салықтар мен әлеуметтік төлемдер бойынша өз міндеттемелерін мынадай тәсілдердің бірімен орындау мүмкіндігі берілді (ҚР Әлеуметтік кодексінің 102-1-бабы):

1-әдіс – "Яндекс. Такси" төмендетілген мөлшерлеме бойынша 4% (ЖТС – 1%, МЗЖ – 1%, ӘА – 1%, МӘМС – 1%);

2-әдіс – ең төменгі бір жалақыдан есептеу (МЗЖ-8 500 теңге, ӘА – 2 975 теңге, МӘМС -5 950 теңге және табыстан 1% ЖТС);

3-әдіс – әлеуметтік төлемдердің стандартты ставкаларын қолдана отырып, нақты алынған табыстан есептеу (МЗЖ – 10%, ӘА – 3,5%, МӘМС -1,4% ЕТЖ-дан 5% және табыстан 1% ЖТС).

Егер интернет-платформада тіркелген такси жүргізушісі 2-ші немесе 3-ші тәсілдерді таңдаса, онда ол интернет-платформа операторы (Яндекс) ұстаған сомаларды 1-ші әдіс бойынша шегере отырып, ЖТС және әлеуметтік төлемдер сомаларын дербес есептеп, төлеуге тиіс.

Қазақстанда интернет-платформалар арқылы жұмыс істеуді жоспарлап отырған таксистер есептеудің үш тәсілінің бірін көрсете отырып, ЭҚЖЖ 49320 (такси) қызметінің түрі бойынша арнайы мобильдік қосымшаны пайдалана отырып, арнайы салық режимі бойынша "e-salyq Business" қосымшасында жеке кәсіпкерлікті тіркеуі тиіс.

ЖК ретінде тіркелген және басқа режимдерді (патент, оңайлатылған режим) қолданатын такси жүргізушілері қолданылатын есептеу әдісін көрсете отырып, мобильді қосымшаны пайдалана отырып режимге көшу туралы қағаз жеткізгіште хабарлама беру үшін ЖК тіркелген жері бойынша Мемлекеттік кірістер басқармасына келуі қажет.

Егер ЖК таксиден басқа қызметті жүзеге асыратын болса, онда осы қызмет бойынша басқа арнаулы режимді немесе бюджетпен есеп айырысудың жалпыға бірдей белгіленген тәртібін қатар қолдануға болады (Салық кодексінің 678-бабының 2-тармағы).

Павлодар облысы бойынша МКД

 түсіндіру жұмысы және байланыс-орталығы басқармасы