Жеке тұлғаның активтері мен міндеттемелері туралы декларацияны (250.00 СЕН) ұсыну жөніндегі міндеттеме заңнамаға енгізілетін түзетулерге сәйкес мынадай санаттарға қолданылады:

- шетелде мүлкі бар Қазақстан Республикасының азаматтары мен резиденттері;

- сайланбалы және мемлекеттік лауазымдарға кандидаттар;

- банктің, бағалы қағаздар нарығының немесе сақтандыру ұйымдарының ірі қатысушысы болуға ниетті тұлғалар;

- жеке практикамен айналысатын тұлғалар;

- декларацияны ерікті түрде тапсырғысы келетін азаматтар.

Шетелдегі декларациялауға жататын активтер:

- жылжымайтын мүлік, көлік құралдары;

- шетелдік компаниялардағы немесе тұрғын үй құрылысына қатысудағы үлестер;

- сомасы 1000 АЕК-тен асатын шетелдік банктердегі шоттардағы қаражат;

- бағалы қағаздар, туынды қаржы құралдары;

- брокерлік шоттардағы қаражат;

- интеллектуалдық меншік объектілері, авторлық құқықтар;

- цифрлық активтер;

- дебиторлық/кредиторлық берешектер;

- инвестициялық және бағалы металдар;

- құны 1000 АЕК-тен асатын мүлік (мысалы, антиквариат, сән-салтанат заттары).

Сондай-ақ, Қазақстан Республикасында және шетелде құны 20 000 АЕК-тен (2024 жылы бұл 73 840 000 теңге) асатын ірі сатып алулар жасаған тұлғаларға декларация тапсыру міндетін енгізу ұсынылады.

Декларацияны ерікті түрде ұсынған кезде декларанттар 10 000 АЕК-тен аспайтын сомада қолма-қол ақшаны және басқа да активтер мен міндеттемелерді декларациялай алады, бұл кейіннен жеке тұлғаның шығындарын растауға негіз болады.

Егер азаматтардың қолма-қол ақшасы 10 000 АЕК-тен (2024 жылы бұл 36 920 000 теңге) асатын болса, бұл қаражатты 2024 жылдың 31 желтоқсанына дейін банктік шоттарға салу қажет.

Декларацияны қалай тапсыруға болады?

Декларацияны «e-Salyq Azamat» мобильді қосымшасы, «Электрондық үкімет» (egov.kz) порталы, Салық төлеушінің кабинеті (cabinet.salyk.kz) арқылы ұсынуға болады.