2023 жылғы 3 наурыздан бастап "Қазақстан Республикасы азаматтарының төлем қабілеттілігін қалпына келтіру және банкроттық туралы" Қазақстан Республикасының Заңы (бұдан әрі - заң) қолданылады. 

Заң жеке тұлғалардың қарыз мәселелерін шешудің 3 рәсімін ұсынады: соттан тыс банкроттық, сот банкроттығы және төлем қабілеттілігін қалпына келтіру.

Барлық үш рәсімдерді тек борышкердің өзі бастайды, яғни кредитор борышкерге қатысты бұл рәсімдерді қолдануға құқығы жоқ.

Тәжірибе көрсеткендей ең танымал рәсім - соттан тыс банкроттық. Оны тек банктер, микроқаржы ұйымдары және коллекторлық агенттіктер алдындағы қарыздар бойынша қолдану мүмкін.

Азаматтардың бұл рәсімге өтініштерді халыққа қызмет көрсету орталықтарында, (e-Gov.kz.) электронды үкімет порталы, сондай-ақ e-Salyq Azamat және e-Gov мобильді қосымшалары арқылы беру мүмкіндігі бар.